धरानः धरान-१८ स्थित जेम सेकेण्डरी बोर्डिङ स्कुलकी छात्रा सुनसरी जिल्लास्तरीय चित्रकला प्रतियोगितामा प्रथम बनेकी छिन् ।
कक्षा-५ मा अध्ययनरत छात्रा श्रृष्टि राई प्रथम बनेकी हुन् । प्रथम बन्दै उनले २५ तोलाको चाँदीसहितको रनिङ शिल्ड प्राप्त गरेकी छिन् । पहिलो राउण्डमा हरेक नगरमा उक्त राउण्डबाट छनौट भएकामध्ये १६ जनामा उत्कृष्ट बनेकी उनी धरानस्थित बुढासुब्बा मन्दिर परिसरमा आयोजित प्रातियोगितामा प्रथम बनेकी हुन् ।
सिट एण्ड ड्र नाम दिइएको कार्यक्रमको प्रमुख अतिथि प्याब्सन सुनसरीका उपाध्यक्ष सुमित थापा प्रमुख अतिथि थिए भने निर्णायकमा प्रणय दत्त र हरि उराव रहेका थिए । प्याब्सनका जिल्ला सचिवालय सदस्य दीपक घिमिरे कार्यक्रम संयोजक रहेका थिए भने जिल्ला अध्यक्ष अनुप योञ्जनको अध्यक्षतामा कार्यक्रम भएको थियो ।