धरानः बराह नगरपालिका वडा न ५ को आगोले पोलेर घाइते बिरामीको उपचारको लागि ४२ संकलन गरी हस्तान्तरण गरिएको छ ।
स्थानीय देवी बराइली माघ २२ गते आगोले पोलेर घाइते भएपछि छाला टाल्न आर्थिक अभाव भएको हो । यस विषयमा समाचार आएपछि उपचार आर्थिक सहयोग समिति बनाएर आर्थिक संकलन भइरहेको छ ।
बराहक्षेत्रका प्रदीप ढकालमार्फत् ३४ हजार ९१५ र लक्ष्मी परियारमार्फत् ७ हजार ३ सय गरी जम्मा ४२ हजार २९५ रुपैयाँ घाइते बालिकाका बुबा उमेश विकलाई हस्तान्तरण गरिएको हो ।
संकलित सो सहयोग रकम बुधबार बिरामी बसेको स्थान सिमरवन चोकमा सञ्चारकर्मीसामु हस्तान्तरण गरिएको थियो । यस्तै, धरानबाट अपाङ्ग पुनस्थापना केन्द्र धरानका निर्देशक सुनिल खड्काले बिरामीको लागि २० हजार रुपैयाँ आर्थिक सहयोग गर्ने आश्वासन दिए थिए ।
उनले बिरामी र एकजनालाई दैनिक ड्रेसिङ गर्न यदि धरान आउन मानेको खन्डमा आफूले खाने बस्ने ब्यवस्था गर्ने पनि बताए । ५ वर्षीया बालिकाको उपचार सरकारी अस्पतालमा गरिने तयारी भइरहेको छ । उनको २० प्रतिशत आगोले छाती र पेटमा पोलेको र चिकित्सकले टाल्नुपर्ने सुझाएका छन् । छाला टाल्न ५० हजार आइसियु शुल्क औषधि किन्ने पैसासहित करिब २ लाख ५० हजार रूपैयाँ लाग्ने अनुमान गरिएको छ ।