धरानः धरान उपमहानगरपालिका वडा नं. ५ देउराली बस्ने वर्ष २७ को सुवास राईले प्रेष्किप्सनबिना अवैध औषधिसहित पक्राउ परेका छन् ।
विशेष सूचनाका आधारमा इलाका प्रहरी कार्यालय धरानको टोलीले उनको घरकोठा खान तलासी गर्दा कोठाभित्र टिनको बाकसमा रहेको हाते झोलामा ती औषधि फेला परेको र उनलाई पक्राउ गरी आवश्यक कारवाहीको लागि औषधी ब्यवस्था विभाग विराटनगर मोरङमा पठाइएको डिएसपी ज्ञानेन्द्र बस्नेतले जानकारी दिए । उनीबाट ट्रामाडोर हाइड्रोकोलोरिडा लेखिएको ३८३ चक्की र स्पाज्मिड लेखिएको ३२२ चक्की औषधि बरामद भएको प्रहरीले जनाएको छ ।
उता मोरङको विराटनगर महानगरपालिका–१२ बाट पनि दुई युवा पक्राउ परेका छन् । इलाका प्रहरी कार्यालय रानीबाट खटिएको प्रहरी टोलीले दिउँसो साँढे १२ बजे विराटनगर–६ का ३३ वर्षीय पवन गोस्वामी र विराटनगर–८ का ३४ वर्षीय कन्हैयाराज मण्डललाई १० बोतल डाइलेक्स डिसी र २० ट्याबलेट निटरभेट चक्की सहित पक्राउ गरेको हो । लागुऔषध सहित पक्राउ परेका दुवै जनाको सम्बन्धमा थप अनुसन्धान भइरहेको सो कार्यालयले जनाएको छ ।