विराटनगरः विराटनगर महानगरपालिका मातहतका कार्यालयमा अत्यावश्यक बाहेकका कार्यमा तत्काल रोक लगाउने जनाएको छ । स्वास्थ्यसेवा बाहेक अन्य कार्यहरुलाई केहीदिनलाई थाती राख्ने गरी सूचना जारी गरिएको छ ।
यसबाट समेत कोभिड १९ रोकथाममा प्रभाव देखिएन भने दोस्रो चरणमा महानगरले लकडाउनको निर्णय गर्ने मेयर भीम पराजुलीले जानकारी दिए ।
संघ संस्था तथा राजनीतिक दलका प्रतिनिधीहरुले क्षेत्रगत रुपमा सचेतनात्मक कार्यक्रम सुरु गर्ने जनाएका छन् ।
यस्तै, आइतबार सम्पन्न कोभिड क्राइसिस म्यानेजमेन्ट सेन्टरको बैठकले सर्वसाधारणलाई हिँडडुल गर्दा अनिवार्य मास्क लगाउनुपर्ने निर्णय गरेको छ । महानगरपालिका मेयर भीम पराजुलीले कोभिड १९ को संक्रमण दिनानुदिन बढ्दै गर्दा सर्वसाधारणलाई सुरक्षित रहनका लागि यो निर्णय गरिएको जानकारी दिए ।