विराटनगरः विराटनगरमा कोरोना भाइरसको संक्रमणबाट एकजनाको मृत्यु भएको छ ।
सोमबार विराटनगरको कोशी अस्पतालको आइसोलेसनमा भर्ना गरिएका ७७ वर्षीय बलबहादुर थापाको मृत्यु भएको हो । श्वासप्रश्वास र छातीमा समस्या देखिएपछि उनलाई कोशी अस्पताल लगिएको थियो ।
अस्पतालका सूचना अधिकारी विष्णुबहादुर बुढाथोकीका अनुसार उपचाररत थापाको मृत्युपछि उनमा कोरोना पुष्टि भएको हो । स्वाबको रिपोर्ट आउनुअगाडि नै उनको मृत्यु भएको हो ।
थापाको मृत्युसँगै कोरोना संक्रमणबाट प्रदेश १ मा मृत्यु हुनेको संख्या ४ पुगेको छ । धरानस्थित बीपी प्रतिष्ठानमा प्रदेश २ का २ जना र १ जना मोरङ सुनवर्षी नगरपालिकाका स्थानीयको कोरोना संक्रमणबाट मृत्यु भइसकेको छ ।
हाम्रो कोशी आवाज
