विराटनगरः मोरङका रंगेली नगरपालिकामा एकै परिवारका १४ जनामा कोरोना संक्रमण पुष्टि भएको छ ।
मुख्यबजार क्षेत्रमा ७३ वर्षीय उमेरका वृद्धको मृत्यु भएपछि भेला भएका एकैपरिवारका १४ जनामा संक्रमण पुष्टि भएको जनाइएको छ । संक्रमण रोकथामका लागि तीनदिन नगरपालिकाका विभिन्न वडामा बन्दको आव्हान गरेको छ ।
नगरपालिकाका प्रमुख प्रशासकीय अधिकृत टोमप्रसाद सुवेदी मृतक परिवारका सदस्यहरु भारतको दिल्लीदेखि काठमाडौंबाट रंगेली घर आएका थिए । नगरपालिकाका अनुसार करिब १ महिनाअघि मृतकका छोरी दिल्लीबाट आएकी थिइन् ।
दिल्लीबाट आउने क्रममा उनलाई विराटनगर वडा नम्बर १० बाट होटल क्वारेन्टिनमा बस्नका लागि अनुमति दिएको नगरपालिकाले जनाएको छ ।
हाम्रो कोशी आवाज
