धरानमा सिटी सफारी चलाउँदै एक महिला । फोटो फाइलः कोशी आवाज

सुनसरीः सुनसरीमा सिटी सफारी, टेम्पो, म्याजिक भ्यान, माइक्रो भ्यानलगायतमा पूर्णरूपमा रोक लगाउने निर्णय भएको छ ।
जिल्ला प्रशासन कार्यालयमा बसेको बैठकले कोरोना संक्रमणको जोखिम बढेसँगै मालबाहक सवारी साधनबाहेक भाडाका साधनहरु संचालनमा पूर्ण रोक लगाउने निर्णय गरेको हो ।
प्रमुख जिल्ला अधिकारी फणिन्द्रमणी पोखरेलले योसँगै अत्यावश्यक बाहेकका बजार, पसल मध्याहन १२ देखि अपराहन ४ बजेसम्म मात्र खोल्न दिइने निर्णय भएको जानकारी दिए । प्रशासनमा भएको छलफलमा लकडाउनबारे पनि छलफल गरेको थियो । ‘अहिलेसम्म लकडाउन नै गर्ने भन्नेबारेमा छलफल मात्रै चलेको हो, निर्णय केही भएको छैन’, प्रजिअ पोखरेलले फोन सम्पर्कमा भने ।