धरानः धरान–१५ को एक १० वर्षीय बालकमा पनि कोरोना देखिएको छ ।
योसँगै कोरोना संक्रमित बालक दुईजना पुगेको छ । बुधबार एकै परिवारका ५ जनामध्ये एक ७ वर्षीय बालकमा पनि कोरोना पुष्टि भइसकेको छ । १० वर्षीय बालकमा कोरोना संक्रमण पुष्टि भएको धरान उपमहानगरपालिका स्वास्थ्य महाशाखाका प्रमुख उमेश मेहताले जानकारी दिए । उनका अुनसार २१ गते १३० जनाको स्वाब संकलन गरिएको थियो ।
ती बालक धरान उपमहानगरपालिकाकी महिला कर्मचारीको छोरा हुन् । उनको आमा र हजुरआमालाई पनि ज्वरो आएको थियो । आमा र हजुआमाको भने रिपोर्ट आउन बाँकी नै रहेको छ । योसँगै धरानमा कोरोना संक्रमण हुनेको संख्या ४२ पुगेको छ । उनलाई कसरी कोरोना संक्रमण भयो भन्ने बारेमा ट्राभल हिस्ट्रिी र कन्ट्याक्ट ट्रेसिङ गर्ने काम भइरहेको उनले जानकारी दिए ।