धरानः विराटनगरमा थप २३ जनामा कोरोना भाइरसको संक्रमण देखिएको पाइएको छ ।
विराटनगर–१७ मा सात जनासँगै विराटनगर–३, ५, ६, ७, ८, ९, १५, १७ नम्बर वडामा कोरोना पुष्टि भएको हो । एक संक्रमितको वडा खुलाइएको छैन । सोमबार ९ जना संक्रमित थपिएका थिए । योसँगै विराटनगरमा ३२ जनामा संक्रमण पुष्टि भएको जनस्वास्थ्य महाशाखा प्रमुख रमेश कार्कीले जानकारी दिए ।
विराटनगर महानगरपालिकामा पछिल्लो १२ घण्टामा एक पत्रकारसहित थप २३ जनामा कोरोना भाइरसको संक्रमण पुष्टि भएको छ ।
सोमबार राति गरिएको पीसीआर परीक्षणमा थप दुई पत्रकारसहित २३ जनामा कोरोना पुष्टि भएको हो । विराटनगरमा कोरोना संक्रमित हुने पत्रकारको संख्या ६ पुगेको छ ।
योसँगै विराटनगरमा ३ सय १३ जनामा कोरोना संक्रमण पुष्टि भएको छ । जसमा २ सय ६ पुरुष र १ सय ७ महिला छन् । संक्रमितमध्ये ६९ जना कोरोनामुक्त भई डिस्चार्ज भएका छन् भने चार जनाको मृत्यु भएको छ ।