धरानः उदयपुरमा धारिलो हतियार (खुकुरी) प्रहार गरी दुईजना घाइते बनाएको आरोपमा रौतामाई गाउँपालिका–७ पाखा टोलका २६ वर्षीय खम्बसिंह परियार आइतबार पक्राउ परेका छन् ।
उनले मादक पदार्थ सेवन गरी धारिलो हतियार खुकुरी प्रहारबाट रौतामाई गाउँपालिका ७ पाखा टोलका बुवा गंगाबहादुर परियार र त्रियुगा नगरपालिका ७ का कुभिण्डेका पाहुना ५५ वर्षीय जुद्ध (काजी) खपाङ्गी मगरलाई घाइते बनाएका थिए ।
घर नजिकैको जंगलमा लुकीछिपी बसकोको अवस्था खुकुरी सहित पक्राउ गरिएको जिल्ला प्रहरी कार्यालय उदयपुरका एसपी भीम दाहालले जानकारी दिए । खुकुरी प्रहार गरेर भागेपनि शनिबार राति कपडा लिन आएको सूचनाको आधारमा उनलाई आइतबार बिहान घर नजिकैको जंगलबाट पक्राउ गरिएको एसपी दाहालले जानकारी दिए ।
छोरोको खुकुरी प्रहारबाट बाबुको टाउको, कम्मरमा गम्भिर चोट पटक लागेको छ भने पाहुनाको गर्दनमा गम्भीर चोट पटक लागेको छ । दुवै घाइतेलाई विराटनगरको गोल्डेन हस्पिटलमा उपचार भइरहेको छ ।
उता झापाको श्रीमतीलाई खुकुरी हानी मरणासन्न बनाएर फरार भएका अर्जुनधारा–२ खुदुनाबारीका राजेन्द्र अधिकारी मृत भेटिएका छन् ।अधिकारीको शव नजिकैको जंगलमा शनिबार फेला परेको प्रहरीले जनाएको छ ।
गत भदौ १ गते घरायसी विवादमा अधिकारीले श्रीमती लक्ष्मी अधिकारीमाथि अन्धाधुन्ध खुकुरी प्रहार गरेका थिए । अधिकारीले श्रीमतीको हात, छाती, गर्धनमा अन्धाधुन्ध खुकुरी प्रहार गरेर जंगलतर्फ भागेका थिए । श्रीमतीलाई घाइते बनाएर नजिकको जंगलतिर पसेका अधिकारीलाई प्रहरी र स्थानीयले खोज्दा फेला पार्न सकेका थिएनन् ।
डोरी र घटनामा प्रयोग गरिएको खुकुरी लिएर अधिकारी जंगल पसेको र घटनास्थलबाट एक किलोमिटरको दुरीमा रहेको जंगलभित्र सखुवाको रुखको हाँगामा पासो लगाएर झुन्डिएको गरेको अवस्थामा शव पाइएको शनिश्चरे प्रहरीले जनाएको छ । अधिकारीको शव कुहिएको, कीरा परेको र आँखा निस्किसकेको अवस्थामा फेला थियो । खुकुरी प्रहारबाट श्रीमतीको मृत्यु भएको अनुमान गरेर अधिकारीले पनि आत्महत्या गरेको हुनसक्ने स्थानीयले बताएका छन् ।