धरानः सुनसरीको इनरुवा–९ बस्ने ३५ वर्षीया दुखनीदेबी खत्वेको लडेर मृत्यु भएको छ ।
खेतमा घाँस काट्ने क्रममा शनिबार दुखनीदेवी अचानक लडेर बेहोस भएकी थिइन् । बेहोस भएकी उनलाइ आफन्तले तत्काल उपचारार्थ लैजादै गर्दा बाटोमै मृत्यु भएको जिल्ला प्रहरी कार्यालय सुनसरीले जनाएको छ ।
यस्तै, मोरङ सुन्दर हरैचा–१२ स्थितमा बस्ने ३५ वर्षीय कुमार उरामनको लडेर मृत्यु भएको छ ।
शनिबार सोही स्थानमा रहेको न्यू पन्चकन्या सेन्टरी हार्डवेयरमा ल्याएको सिमेन्ट बोकेर स्टोरतर्फ लाने क्रममा अचानक लड्दा उनको मृत्यु भएको जिल्ला प्रहरी कार्यालय मोरङले जनाएको ।
माइक्रोको ठक्करबाट पैदलयात्रीको मृत्यु
यस्तै, पाँचथर याङ्वरक–३ का ५० वर्षीय वृखध्वज लिम्बूको माइक्रोको ठक्करबाट मृत्यु भएको छ ।
शनिबार राति सवा ९ बजे झापाको बिर्तामोड–५ स्थितमा बा४ख ५१०० नम्बरको माइक्रो गाडीले पैदल यात्रा गरिरहेका लिम्बूलाई ठक्कर दिँदा उनको मृत्यु भएको जिल्ला प्रहरी कार्यालय झापाले जनाएको छ । ठक्कर दिने माइक्रो र चालक भद्रपुरका बाबुराम कट्टेल इलाका प्रहरी कार्यालय अनारमनीको नियन्त्रणमा रहेको सो कार्यालयले जनाएको छ ।