विराटनगरः सुनसरीको इटहरीका एक वृद्धको विराटनगरस्थित कोशी अस्पताल कोभिड–१९ उपचार केन्द्रमा बुधबार मृत्यु भएको छ ।
कोरोना भाइरस संक्रमित ती वृद्धको उपचारका क्रममा बुधबार मृत्यु भएको हो ।
इटहरी उपमहानगरपालिका–५ का वृद्धको आइसोलेसनमा भर्ना गरेर उपचार थालिएको केहीबेरमै मृत्यु भएको हो । उपचार केन्द्रका प्रमुख एवं बरिष्ठ फिजिसिन डा. दीपक सिग्देलका अनुसार वृद्धको मृत्यु १२ः३५ बजे भएको हो । कोरोना पुष्टि भएसँगै श्वासप्रश्वासमा समस्या बढेपछि वृद्धलाई उपचारका लागि बिहान ११ बजेतिर कोभिड अस्पताल ल्याइएको जानकारी उनले दिए ।
चिन्ताजनक अवस्थामा ल्याइएका वृद्धलाई तत्काल आइसोलेसनमा भर्ना गरेर उपचार थालिए पनि जीवितै राख्न नसकिएको सिग्देलको भनाइ छ ।
हाम्रो कोशी आवाज
