उर्लाबारीः मोरङ उर्लाबारी–९ बस्ने २९ वर्षीय देउकुमार लिम्बूको मोटरसाइकल दुर्घटनामा परी मृत्यु भएको छ ।
शुक्रबार बिहान उर्लावारी जोरबाटोस्थित भित्री सडकखण्डमा ना४ख ३४४३ नम्बरको मालबाहक ट्रकले प्र १–०२०–०४१प२२२९ नम्बरको मोटरसाइकललाई ठक्कर दिदा मोटरसाइकल चालक लिम्बु गम्भीर घाइते भएका थिए ।
घाइते लिम्बूको बिएण्डसी अस्पताल बिर्तामोड झापामा उपचारको क्रममा साढे ७ बजे मृत्यु भएको जिल्ला प्रहरी कार्यालय मोरङले जनाएको छ । ठक्कर दिने ट्रक र चालक मोरङ रतुवामाइ–१० का २६ वर्षीय रेवतप्रसाद सुवेदी नियन्त्रणमा रहेको सो कार्यालयले जनाएको छ ।
हाम्रो कोशी आवाज
