धरानः बितेको २४ घण्टामा धरानका ९८ जनासहित प्रदेश १ मा २५५ जना कोरोना संक्रमित थपिएका छन् ।
धरानमा ४८ महिला र ५० पुरुषसहित सुनसरीमा मात्रै १२२ जना संक्रमित थपिएका छन् । सामाजिक विकास मन्त्रालयका अनुसार सुनसरीकै दुहवीमा ३ महिला ६ पुरुष, इटहरीमा १ महिला ७ पुरुष, रामधुनी, बराहक्षेत्र र बर्जुमा समान १ महिला, स्थानीय तह नखुलेका ४ पुरुषको रिपोर्ट पोजेटिभ आएको छ ।
यस्तै, मोरङमा १०२, झापामा ६, उदयपुरमा ५, खोटाङमा ४, संखुवासभा र ओखलढुंगामा समान ३, धनकुटामा १ र प्रदेश १ बाहिरका ९ जना रहेको मन्त्रालयले जनाएको छ । विराटनगरमा ३१ महिला ५६ पुरुष, सुनवर्षीमा ४ महिला १ पुरुष, ग्रामथानमा १ महिला ३ पुरुष, कटहरीमा २ पुरुष, उर्लाबारी, रतुवामाई र कानेपोखरीमा समान १ महिला, धनपालथानमा १ पुरुष, झापाको दमकमा १ महिला १ पुरुष, अर्जुनधारा, कमल, गौरादह र स्थानीय तह नखुलेका समान १ पुरुषको रिपोर्ट पोजेटिभ आएको मन्त्रालयले जनाएको छ ।
उदयपुरको बेलकामा ५ पुरुष, खोटाङको खोटेहाङमा ४ पुरुष, सङ्खुवासभाको चिचिलामा १ महिला २ पुरुष, ओखलढुङ्गामा ३ पुरुष, धनकुटाको महालक्ष्मीमा १ पुरुष र प्रदेश १ बाहिरका ९ पुरुषको रिपोर्ट पोजेटिभ आएको छ । प्रदेश १ मा कोरोना संक्रमितको संख्या ७ हजार ४३२ पुगेको छ ।
प्रदेश १ मा आजै २८७ जना डिस्चार्ज भएका छन् । होम आइसोलेसनबाट २६३, बीपी कोइराला स्वास्थ्य विज्ञान प्रतिष्ठान धरान र बि जेनरल अस्पताल हरिनगरबाट समान ९, गढी आइसोलेसन केन्द्रबाट ५ र होटल एशियाटिकबाट १ जना डिस्चार्ज भएका छन् । हालसम्म डिस्चार्ज हुनेको संख्या ३ हजार ७२५ पुगेको छ । प्रदेश १ मा आज १ हजार २०९ जनाको पीसीआर परीक्षण गरिएको छ । परीक्षण गरिएका मध्ये ९६ महिला र १५९ पुरुषको रिपोर्ट पोजेटिभ आएको छ । हाल सम्म १ लाख २६ हजार ८९० जनाको पीसीआर परीक्षण गरिएको मन्त्रालयले जनाएको छ ।