ओखलढुंगाः ओखलढुंगामा पोखरीमा डुबेर २२ बाँदर मरेका छन् ।
बिहीबार दिउँसो करिब १२ बने सिद्धिचरण नगरपालिका–५मा सिँचाइका लागि बनाइएको पोखरीमा डुबेर बाँदरहरू मरेका हुन् ।
पानी पिउन पसेका बाँदर निस्किन नस्कदा मरेको वन डिभिजन कार्यालय ओखलढुंगाका सहायक वन अधिकृत कृष्णवेद यादवले बताए । पोखरीमा ३४ वटा बाँदर डुबेका थिए । १२ वटा बाँदरको स्थानीयले उद्धार गरेका छन् ।
‘बाँदरहरू पानी खान त्यहाँ गएको देखियो । अरू बेला पनि जान्थे तर हिजो पानी कम थियो,’ यादवले भने, ‘पानी कम भएपछि उनीहरू निस्किन सकेनन् । त्यही डुबेर मरे ।’
हाम्रो कोशी आवाज
