धरानः कोरोनाको महामारीको कारण यसपालि देउसी खेल्न निषेध गरेपनि धमाधम हरेक वर्षझैं देउसी गीतहरु निकाल्ने क्रम यस वर्ष पनि जारी नै रहेको छ ।
यसैको भींडमा गायक मुकेश देवले तारा लक्सम लिम्बू, विनोद खम्बु, मिना निरौलालगायतका गायक गायिकाहरुसँगको सामूहिक देउसी गीत रिलिज गरेका छन् ।
‘तिहारै आयो मनै रमायो’ बोल रहेको गीतको लिरिकल भिडियो सिल्भर इन्टरटेनमेन्टको युट्युब च्यानलमार्फत् सार्वजनिक गरिएको छ ।
केदार धितालको शब्दमा विनोद खम्बुको संगीत रहेको गीतमा मुकेश देव, तारा लक्सम लिम्बू, विनोद खम्बु र मिना निरौलाको स्वर सुन्न सकिनेछ ।
तिहारै आयो मनै रमायो
चेली देख्दा माइतीको आँसु बरर हो, आँसु बरर
खुशीको आँसु झर्छ बरर
माइती देख्दा चेलीको आँसु बरर हो, आँसु बरर
बर्ष र दिनको चाड र पर्व
चेली माइतीसँग सँगै मनाउँ मिलेर हो, मनाउँ मिलेर
माइतीको साथ पाए चेलीले
दुःख बिर्सी सुखको आँसु बरर माइती, आँसु बरर
आहै झिलिमिली झिलिमिली देउसीरे
आहै के को झिलिमिली देउसीरे