विराटनगरः विराटनगरका विद्यालय दुई सिफ्टमा सञ्चालन हुने भएको छ ।
कोरोना महामारीका कारण विगत ८ महिनादेखि बन्द रहेका विद्यालयहरू दुई सिफ्टमा सञ्चालन हुन लागेका हुन् । पुस २ गतेदेखि विद्यालय खुल्ने भएको हो । महानग।पालिकाले कोरोना जोखिम कम भएको निष्कर्ष निकाल्दै भौतिकरुपमै कक्षा सञ्चालन गर्ने निर्णय गरेको हो । बिहान र दिउँसो गरी विराटनगरमा दुई सिफ्टमा कक्षा सञ्चालन हुने साथै अनलाइन कक्षा पनि सञ्चालनमा ल्याउने विराटनगर महानगरपालिकाका मेयर भीम पराजुलीले जानकारी दिए ।
स्कुल खोल्नुअघि अभिभावकसँग छलफल गरेर सतर्कतासहित कक्षा सञ्चालन हुने भन्दै मेयर पराजुलीले जोखिम कम भएकाले विद्यालय खुला गर्ने निर्णय भएको दाबी गरे ।
हाम्रो कोशी आवाज
