धरानः गायिका सम्झना सुनुवारको गीत सार्वजनिकक गरिएको छ ।
पूर्वी पहाडी जिल्ला ओखलढुंगा क्षेत्रमा जन्म भई काठमाडौंमा बस्दै र गीतको साधना गर्दै आएकी प्रतिभाशाली उदयीमान गायिका सम्झना सुनुवारको आवाजमा ‘मेरो नजिक आइदेऊ मायालु’ भन्ने बोलको भिडियो गीत हालै युटयुब च्यानलमा रिलिज भएको छ ।
गीतको शव्द वरिष्ठ चित्रकार, कला समीक्षक तीर्थ निरौलाको रहेको छ । म्युजिक टिका मगरको रहेको छ । रोशन वान्तवाको मिक्सिङ रहेको र स्टुडियो सुटिङ भएको यो गीतको छायाङ्कन, प्रमोद प्रसाईले गरेका हुन् ।
सानैदेखि गीत र संगीतमा रुची भएकी सम्झना स्कुले जीवनदेखि नै गीत गाउँथिन् । सम्झना भन्छिन्, ‘उनले मिठो आवाजमा गीत गाएको सुनेर उनका गुरुहरु र सहपाटीहरुले गीत गाउन हौसाएका हुन् ।’ अचेल श्रीमानले पनि गीत गाउन र गीत रेकर्ड गर्न प्रोत्साहन र अवसर दिइरहेको उनी बताउँछिन् । उनको धोको भविष्यमा गीत–संगीतको क्षेत्रमा योगदान पुरयाउने रहेको छ ।