धरानः गीतकार तथा संगीतकार राजनराज शिवाकोटीको गीत ‘फूलबुट्टे सारी’ को लोकप्रियता बढ्ने क्रम जारी छ।
मेल, फिमेल, चाइल्ड तथा लिजेन्ड्री भर्सनको फूलबुट्टे सारीले दर्शक तथा स्रोताको मन जितेकै हो । ती भर्सनमा क्रमशः मार्मिक लामा, मिलन नेवार, अरिष्मा शिवाकोटी तथा मदनकृष्ण श्रेष्ठको स्वर छ । टिकटकमा यो गीतका हजारौं भिडियो बनेका छन् ।
यूट्युबमा पनि यसका कभर भिडियोको संख्या सयौं छन् । केही अघि यूगान्डाकी गायिका बियोन्सेले यही गीतलाई अफ्रिकी भर्सन भन्दै गाइन् र भिडियो बनाएर यूट्युबमा शेयर गरिन् । उनले कभर गरेको सो गीतको भिडियोले नै झन्डै ४० लाख भ्यूज पाइसकेको छ ।
यो गीतको भर्सन निर्माणको क्रम यतिमै रोकिएको छैन । अघिल्लो सातामात्रै भारतीय गायक लकी सिद्धूले यो गीतको पञ्जाबी भर्सन भन्दै नयाँ भिडियो सार्वजनिक गरेका छन् । बेलायतमा बसोबास गर्ने यी पञ्जाबी गायकले गाएको सो भिडियोले पनि एक लाख बढी भ्यूज पाइसकेको छ ।
लण्डनमा निर्माण गरिएको यो पञ्जाबी भर्सनको गीतमा गायक लक्की सिद्धूले स्वर दिएका छन् भने भिडियोमा उनी आफैं प्रस्तुत भएका छन् ।
सिद्धू लण्डनमा बसेर पञ्जाबी गीत–संगीत सिर्जना गर्छन् । लक्की सिद्धूका पञ्जाबी गीतहरु पनि लोकप्रिय छन् । गीतको भिडियोमा लक्की सिद्धूसँगै गिटारमा प्रज्वल देखिएका छन् । गायक सिद्धूले उक्त गीतको भिडियो यूट्युबमा शेयर गर्दै आफूले जीवनमै पहिलो पटक नेपाली गीत गाउने कोशिस गरेको उल्लेख गरेका छन् ।
उनले भनेका छन्–‘यो क्रममा म निकै रमाएँ । कलाई आशा छ यहाँहरुलाई हाम्रो यो प्रयास मन पर्ने छ ।’ गायक सिद्धूले उक्त गीतको भिडियो यूट्युबमा शेयर गर्दै आफूले जीवनमै पहिलो पटक नेपाली गीत गाउने कोसिस गरेको उल्लेख गरेका छन् । उनले भनेका छन्–‘यो क्रममा म निकै रमाएँ । मलाई आशा छ यहाँहरुलाई हाम्रो यो प्रयास मन पर्नेछ ।’