धरानः डिल्ली फोम्बो एण्ड द ब्याण्डको रुपमा स्टेजहरुमा चम्किरहेका धराने गायक डिल्ली फोम्बोको नयाँ म्युजिक भिडियो सार्वजनिक भएको छ ।
‘यो मायाले के गरयो’ बोलको गीतमा गायक डिल्लीकै शब्द र संगीत रहेको छ भने सञ्जीव राईको संगीत संयोजन रहेको छ ।
रेखा लिम्बू र गायक फोम्बोको अभिनय रहेको गीतको नरेन लिम्बूको निर्देशन रहेको छ भने विनय कंसाकारको सम्पादन र विजेन्द्र भट्टराईको छायांकन रहेको छ ।
लिम्बू समुदायमा पहिलो चोटी गुनगुनाइएको भनिएको पोकन्दी र नेपाली लोक शब्द र संगीतको मिश्रण गरिएको गीत एउटा प्रयोगको रुपमा तयार गरेको गायक फोम्बोले बताए । गीतको धरान आसपासमा छायांकन गरिएको छ ।
हाम्रो कोशी आवाज
