धरानः भ्वाइस अफ किड्स प्रतियोगिताको सेमीफाइनल सम्म पुगेकी पेमा देचेन तामाङलाई गायक राजेश पायल राईले आफ्नै संगीत र स्वरमा ‘सै हँमा’ बोलको युगल गीत रेकर्ड गराएर स्टुडियो भिडियो सार्वजनिक गरेका छन् ।
‘सै हँमा’ र ‘सै हँपा’ अर्थात् राई भाषामा रानी र राजा अर्थ लाग्ने शब्द प्रयोग गरिएको गीतको शब्द टिका चाम्लिङको रहेको छ भने संगीत संयोजन राजु कार्कीको रहेको छ ।
मनोज राईले भिडियो छायाङ्कन तथा सम्पादन गरेका हुन् । गीत नेपालसहित कतार र कुवेतमा समेत युट्युब ट्रेन्डिङमा परेको छ । राजेश पायल राईले यसअघि पनि मेलिना मैनाली, बिसाखा साही, सुदिता राई, सुजिता योञ्जन, इशान राई, वैशाली लामालगायतका द भ्वाइसका प्रतियोगीहरुसँग युगल गीतहरु आफ्नै संगीतमा रेकर्ड गराएर सार्वजनिक गरेका छन् । यसरी नै नयाँ प्रतिभाहरुलाई राजेशपायल राई म्युजिक एकेडेमीमार्फत् मौका दिइरहने गायक राईले बताए ।
https://youtu.be/t-ILc4c5qCc
https://youtu.be/t-ILc4c5qCc
हाम्रो कोशी आवाज
