विराटनगरः विराटनगर महानगरपालिकामा थप १३ जनामा कोरोना भाइरसको संक्रमण पुष्टि भएको छ ।
बुधबार राति आएको रिपोर्ट अनुसार पाँच महिला र ८ पुरुषमा संक्रमण देखिएको हो । संक्रमित हुनेहरु महानगरपालिकाको वडा नम्बर २, ६, ७, ८, १०, ११, र १३ का रहेको महानगरपालिकाको जनस्वास्थ्य महाशाखाका प्रमुख रमेश कार्कीले बताए । योसँगै महानगरपालिकामा संक्रमितको संख्या १ सय ८३ पुगेको छ । त्यसमध्ये ४२ जना भने संक्रमणमुक्त भइसकेका छन् । महानगरपालिका भित्र वडा नम्बर ५ र ९ का दुईजना संक्रमितको मृत्यु भएको छ ।
कोशी अस्पतालको प्रयोगशालमा स्वाब परीक्षण गराउँदा बुधबार राति उनीहरुको रिपोर्ट पोजेटिभ आएको महानगरपालिकाले जनाएको छ ।
हाम्रो कोशी आवाज
