विराटनगरः बितेको २४ घण्टामा प्रदेश १ मा १४५ कोरोना संक्रमित थपिएका छन् । योसँगै संक्रमितको संख्या ३ हजार ८ सय २५ पुगेको छ । यो संख्या प्रदेश १ मा अहिलेसम्मकै धेरै हो ।
धरानका दुईजनासहित सुनसरीबाट ३४ संक्रमित थपिए । धरानका १ महिला र २ पुरुष, दुहवीमा ७ महिला ६ पुरुष, इटहरीमा १ महिला ९ पुरुष, इनरुवामा २ पुरुष, गढीमा समान १ महिला पुरुष, बर्जुमा समान एक महिला पुरुष, बराहक्षेत्रमा १ पुरुष र कोशी गाउँपालिकामा १ महिलामा संक्रमण देखिएको प्रदेश सरकारको सामाजिक विकास मन्त्रालयले जनाएको छ ।
मोरङमा ७०, झापामा २८, ओखलढुङ्गामा ४, उदयपुर, सोलुखुम्बु, भोजपुर र खोटाङमा समान १ र प्रदेश १ बाहिरका ५ जनामा कोरोना देखिएको छ ।
विराटनगरमा मात्रै ६० जनामा संक्रमण पुष्टि भएको छ । संक्रमण हुनेमा २५ महिला र ३५ जना पुरुष रहेका छन् । मोरङको बुढीगंगामा २ महिला र ४ पुरुष, लेटाङमा २ महिला, सुनबर्षी र ग्रामथानका १–१ पुरुषको रिपोर्ट पोजेटिभ आएको छ ।
झापाको कन्काईका ३ महिला र ८ पुरुष, दमकका ३ महिला र २ पुरुष, मेचीनगरमा ४ पुरुष, भद्रपुर र झापा गाउँपालिकामा ३–३ र कचनकवल र गौरीगञ्जमा १–१ पुरुषमा कोरोना देखिएको छ । यस्तै ओखलढुंगाको मानेभन्ज्याङमा २ महिला २ पुरुष, भोजपुरमा १ पुरुष, उदयपुरको त्रियुगाका १ पुरुष, सोलुखुम्वु र खोटाङको स्थानीय तह नखुलेका १–१ पुरुष र प्रदेश १ बाहिरका १ महिला ४ पुरुषको रिपोर्ट पोजेटिभ आएको छ ।
आज ७२ जना डिस्चार्ज भएका छन् । योसँगै डिस्चार्ज हुनेको संख्या हालसम्म १ हजार ८ सय १९ पुगेको छ । धरानस्थित बीपी प्रतिष्ठानबाट ५ जना, पूर्वाञ्चल विश्वविद्यालय कोभिड १९ आइसोलेसन केन्द्र, गोठगाउँबाट ३२, मेची अस्पताल झापाबाट १६, कोभिड १९ आइसोलेसन केन्द्र, रंगेलीबाट ११, होटल एशियाटिक आईसोलेसनबाट ७, वि.जेनरल अस्पताल आइसोलेसन केन्द्र, हरिनगरबाट १ जना डिस्चार्ज भएको मन्त्रालयले जनाएको छ ।