विराटनगरः बितेको २४ घण्टामा धरानका २३ जनासहित प्रदेश १ मा १२१ जना कोरोना संक्रमित थपिएका छन् ।
योसँगै प्रदेश १ मा कोरोना संक्रमितको संख्या ४ हजार ६१९ पुगेको छ । धरानमा २० पुरुष र ३ महिलासहित सुनसरीमा ४५ जनामा कोरोना संक्रमण देखिएको छ । यस्तै, दुहबीमा ७ महिला र १ पुरुष, इटहरीमा १ महिला र ५ पुरुष, कोशी गाउँपालिकामा ५ पुरुष, इनरुवामा २ पुरुष र गढीमा १ पुरुषमा कोरोना संक्रमण देखिएको छ ।
यस्तै, मोरङमा ४७, झापामा १४, संखुवासभामा १२, उदयपुरमा १ र प्रदेश १ बाहिरका २ जनामा कोरोना देखिएको प्रदेश सरकारको सामाजिक विकास मन्त्रालयले जनाएको छ । यस्तै, विराटनगरमा ३२ जनामा संक्रमण देखिएको छ । विराटनगरका १२ महिला र २० पुरुषको रिपोर्ट पोजेटिभ आएको छ । यस्तै, धनपालथानमा १ महिला र ८ पुरुष, रंगेलीमा २ पुरुष, ग्रामथानमा १ महिला र १ पुरुष, सुनवर्षीमा १ पुरुष, बुढीगंगामा १ महिलामा कोरोना संक्रमण देखिएको छ ।
झापाको दमकमा ६ महिला र ३ पुरुष, मेचीनगरमा १ महिला र १ पुरुष, बिर्तामोडमा १ महिला र १ पुरुष, कन्काईमा १ महिला, संखुवासभाको चैनपुरमा १ महिला र १० पुरुष, धर्मदेवीमा १ पुरुष, उदयपुरको चौदण्डीगढीमा १ महिला र प्रदेश १ बाहिरका २ पुरुषको रिपोर्ट पोजेटिभ आएको छ ।
प्रदेशबाट शुक्रबार ६६ जना डिस्चार्ज भएका छन् । बीपी कोइराला स्वास्थ्य विज्ञान प्रतिष्ठान धरानबाट १६ जना, बराहक्षेत्रको रमानन्द आचार्य सेवा पीठ चतराधामबाट ३९ जना, मेची अस्पताल झापाबाट १० र होम आइसोलेसनबाट १ जना डिस्चार्ज भएका छन् । योसँगै डिस्चार्ज हुनेको संख्या २ हजार १९ पुगेको मन्त्रालयले जनाएको छ ।