विराटनगरः बितेको २४ घण्टामा धरानका ११ जनासहित प्रदेश १ मा १०६ जना कोरोना संक्रमित थपिएका छन् ।
धरानमा ३ महिला र ८ पुरुषसहित सुनसरीमा २४ जना संक्रमित थपिए । सुनसरीकै इटहरीमा ४ महिला र ६ पुरुष, गढी र बर्जुमा १–१ महिला, दुहवीमा १ पुरुष संक्रमित थपिए ।
यस्तै, मोरङमा ७२, झापामा ७, भोजपुरमा १ र प्रदेश १ बाहिरका २ जनामा कोरोना देखिएको सामाजिक विकास मन्त्रालयले जनाएको छ । मन्त्रालयका अनुसार विराटनगरमा ६४ जनामा संक्रमण देखिएको छ । संक्रमण पुष्टि भएकामा २६ महिला र ३८ पुरुष छन् ।
मोरङको बुढीगंगामा २ पुरुष, कटहरीमा १ महिला र १ पुरुष, ग्रामथानमा १ महिला र १ पुरुष तथा सुनबर्षी र जहदामा १–१ पुरुषको रिपोर्ट पोजेटिभ आएको मन्त्रालयले जनाएको छ । झापाको विर्तामोडमा १ महिला र २ पुरुष, भद्रपुरमा १ महिला र १ पुरुष, कचनकवल र कनकाईमा १–१ पुरुष, भोजपुरमा १ महिला तथा प्रदेश १ बाहिरका १ महिला र १ पुरुषमा संक्रमण देखिएको सामाजिक विकास मन्त्रालयले जनाएको छ । प्रदेशमा कोरोना संक्रमितको संख्या ६ हजार २५५ पुगेको छ ।
प्रदेशबाट शनिबार ११९ जना कोरोनामुक्त भई डिस्चार्ज भएका छन् । होम आइसोलेसनबाट ८९ जना, विराट मेडिकल कलेजबाट १९ जना, कोभिड १९ आईसोलेसन अस्पताल गोठगाँउबाट ५ जना, नोवेल मेडिकल कलेजबाट ३ जना, भानुजन मावि आइसोलेसन ताप्लेजुङबाट १ जना, बैजनाथपुर आईसोलेसन विराटनगरबाट १ जना र कोभिड १९ आईसोलेसन केन्द्र, चौदण्डीगढी उदयपुरबाट १ जना डिस्चार्ज भएका हुन् । प्रदेशमा डिस्चार्ज हुनेको संख्या २ हजार ७८८ पुगेको सामाजिक विकास मन्त्रालयले जनाएको छ ।