संखुवासभाः संखुवासभामा लेक लागेर एक युवाको मृत्यु भएको छ ।
खाँदबारी–१ का २४ वर्षीय विवेक श्रेष्ठको मकालु बेस क्याम्प पुगेर फर्किने क्रममा लेक लागेर मृत्यु भएको प्रहरीले जनाएको छ । खाँदबारीबाट मकालु बेस क्याम्प पुगेर फर्किने क्रममा उनको मृत्यु भएको जिल्ला प्रहरी प्रमुख डिएसपी नवराज पन्तले जानकारी दिए ।
गत १२ गते ७ जना युवाहरूको टोलीसहित उनी खाँदबारीबाट त्यहाँ पुगेका थिए । बाटोमा सामान्य बिरामी बनेका उनको शुक्रबार राति सुतेकै स्थानमा मृत्यु भएको यात्रामा सहभागी जानकी पोखरेलले बताइन् ।
घटनापछि मृतकको शव हेलिकप्टरमार्फत् खाँदबारी ल्याइएको छ । शनिबार घटनास्थलतर्फ उडेको हेलिकप्टरले आइतबार बिहान खाँदबारी ल्याएको हो ।
हाम्रो कोशी आवाज
