धरानः धरानका सालिन श्रेष्ठको सानैदेखि गीत गाउने रुचि थियो । सानो छँदादेखि गीत गाउन थालेका उनी अहिले गीत नै गाउन मन पराउँछन् । उनी धरानस्थित विजयपुर कलेजमा अध्ययनरत् छन् । कक्षा–११ मा अध्ययनरत उनी म्यानेजमेण्ट सङ्कायमा अध्ययनरत् छन् ।
स्कुल र कलेज ‘लेवल’ मा हुने साङ्गीतिक कार्यक्रममा भाग लिँदै आएका उनले पुरस्कार समेत जितिसकेको बताउँछन् । ‘स्कुल कलेजमा हुने साङ्गीतिक कार्यक्रममा गीत गाएरै केही पुरस्कार समेत जितिसकेको छु’, उनले हाम्रो कोशी आवाजसँग भने ।
विशेषतः बुबाआमा र स्कुल–कलेजका साथीहरुले आफूलाई गीत गाउन हौस्याउँदै आएको र त्यही अनुसार मिहिनेत गर्दै जाँदा आफूमा रहेको प्रतिभा थप मजबुत बनेको उनले बताउँछन् । उनले गिटार पनि बजाउन सिक्दै आएका छन् । भविष्यमा सफल गायक बन्ने लक्ष्य लिएका छन् । भन्छन्, ‘भविष्यमा पढाइसँगै गायनमा पनि करिअर अगाडि बढाउने लक्ष्य छ ।’