धरानः अब साउनदेखि शिक्षकको तलब बढ्ने भएको छ ।
आव ०७७–७८ को बजेटमा सामुदायिक विद्यालयका शिक्षकको तलब बढाइएको थियो । आउँदो साउन १ गतेदेखि त्यो कार्यान्वयन हुने जनाइएको छ ।
शिक्षकको एसएलसीको नतिजाको आधारमा शिक्षकलाई तीन श्रेणीमा छुट्ट्याई तलब दिने गरिएको छ । प्रावि शिक्षकको हकमा दुई विषय वा सोभन्दा बढी विषयमा अनुत्तीर्ण भएर उत्तीर्ण गरेअनुसारको पनि तलब तोकिएको छ ।
प्रावि तह तृतीय: मासिक ३३ हजार ९३२ रुपैयाँ, प्रावि द्वितीय: ३७ हजार ७२० रुपैयाँ, प्रावि प्रथम: ४७ हजार ५९० रुपैयाँ, दुई विषयसम्म एसएलसी अनुत्तीर्ण: २८ हजार ४१४ रुपैयाँ, दुई विषयभन्दा बढी एसएलसी अनुत्तीर्ण: २६ हजार ८१४ रुपैयाँ, निमावि तह तृतीय: मासिक ३७ हजार ७२० रुपैयाँ, निमावि द्वितीय: ४७ हजार ५९० रुपैयाँ, निमावि प्रथम: ४९ हजार ९८४ रुपैयाँ, मावि तृतीय: मासिक ४७ हजार ५९० रुपैयाँ, मावि द्वितीय: ५३ हजार १४८ रुपैयाँ, मावि प्रथम: ५८ हजार ८५४ रुपैयाँ पाउनेछन् ।