धरानः राष्ट्रिय परीक्षा बोर्डले कक्षा १२ को परीक्षा आगामी भदौ ३० गतेदेखि सञ्चालन गर्ने निर्णय गरेको छ ।
कक्षा १२ को परीक्षा यही भदौ ३० देखि आगामी असोज ८ गतेसम्म सञ्चालन गरिने भएको हो । राष्ट्रिय परीक्षा बोर्डको आज बसेको बैठकले सो निर्णय गरेको हो ।
कोरोना महामारीका कारण यसअघि स्थगन गरिएको कक्षा १२ को परीक्षा भदौ ३० गतेदेखि विद्यालयमै परीक्षा केन्द्र कायम हुनेगरी सञ्चालन गर्न लागिएको हो । विद्यालयमै परीक्षा केन्द्र कायम गरी स्वास्थ्य सुरक्षासम्बन्धी मापदण्ड र सामाजिक दुरीको पालना गरी सञ्चालन गर्न लागिएको बोर्डले बुधबार जारी गरेको सूचनामा उल्लेख छ । परीक्षा असोज ८ गतेसम्म सञ्चालन हुनेछ ।
हाम्रो कोशी आवाज
