धरानः धरान-१७ उदय टोलस्थित श्री सम्यक शिक्षा आधारभूत विद्यालयमा अध्ययनत विद्यार्थीले दशैंको टिका लगाएका छन् ।
सौर्य हेल्थ केयर फाउण्डेशन प्रालि धरानको प्राविधिक सहयोग र नेपाल राउण्ड टेबलअन्तर्गत धरान राउण्ड टेबल २६ को आयोजनामा एकदिने दन्त स्थास्थ्य परीक्षण र दशैं शुभकामना कार्यक्रम आयोजना गरेका छन् ।
कार्यक्रममा विद्यालयका बालविकास केन्द्रदेखि कक्षा–७ सम्मको ८० जना बालबालिकाहरुको दन्त परीक्षण गराएका थिए । विद्यालयको सम्पूर्ण विद्यार्थीहरुलाई दशैंको टिका लगाएर तथा दक्षिण दिएर र खाजाको व्यवस्था गरेर दशैको शुभकामना आदानप्रदान कार्यक्रम आयोजना गरेको धरान राउण्ड टेबलका अध्यक्ष कृष्ण अटलले जानकारी दिए ।
कार्यक्रममा विद्यालयका भूतपूर्व विद्यार्थी उमा राईले विद्यालयका दुईजना छात्र र छात्रा श्रद्धा राई र प्रवेश परियारलाई २ हजार ५ सय रुपैयाँ गरेको प्रधानाध्यापक सरोज श्रेष्ठले जानकारी दिए । कार्यक्रममा भूतपूर्व अध्यक्ष लक्ष्मीकान्त बियानी, विद्यालय कार्यक्रम संयोजक दिनेश अग्रवाल र सौर्य हेल्थ केयर फाउण्डेशन प्रालिका डाक्टरहरुको उपस्थित रहेको थियो ।