धनकुटाः कोरोना संक्रमणको जोखिम देखिएपछि धनकुटामा बिहीबार राति १२ बजेबाट निषेधित क्षेत्र घोषणा भएको छ ।
केहीदिनअघि धनकुटा जिल्लाबाट समानुपातिक सासद कुसुमकुमारी श्रेष्ठ जुली र उनको श्रीमान नयन श्रेष्ठलाई कोरोना पोजेटिभ देखिएपछि उनको सम्पर्कमा आएकाहरुलाई कन्ट्याक्ट ट्रेसिङ गर्न र अन्य जन समुदायहरुमा नफैलियोस् भनेर केही ठाउँमा निषेधित क्षेत्र घोषणा गरिएको धनकुटा जिल्ला प्रशासनले जनाएको छ ।
निषेधित क्षेत्र वडा नं १ देखि वडा नं २ साविक भीरगाउँ गाविस बाहेक वडा नं ३,४,५,६ र ७ वडा नं. हरु कोशी राजमार्गको त्रिशुलेदेखि पात्ले खोलासम्मका क्षेत्रहरु हिले बजार, निगाले, कागते, धनकुटाका मुख्य बजार क्षेत्रहरु हुलाक टोल, तल्लोकोप्चे, माथिल्लो कोप्चे, देब्रेवास, विज बजार, सिरान बजारहरु पर्ने छन् ।
धनकुटा जिल्लाका प्रमुख जिल्ला अधिकारी केशवप्रसाद विमलीका अनुसार अत्याश्यकीय वस्तुहरु बाहेक सबै बन्द रहने बताए । यसअघि धनकुटामा जेठ ३ गते जिल्ला अस्पतालमा एक स्वास्थ्यकर्मी महिलालाई कोरोना पोजेटिभ देखिएपछि जिल्ला अस्पताल ५ दिनसम्म सिल गरिएको थियो ।