विराटनगरः विराटनगरमा एकजना कोरोना संक्रमितको मृत्यु भएको छ ।
कोशी अस्पतालका मेडिकल सुपरिडेन्टेन्ट डा. चुमनलाल दासले राति अस्पतालको आइसोलेसनमा उपचाररत ४० वर्षीय कोरोना संक्रमित पुरुषको मृत्यु भएको बताए ।
निमोनिया र श्वासप्रश्वासमा समस्या देखिएपछि मंगलबार उपचारका लागि भर्ना भएका सिरहाको विष्णुपुर गाँउपालिका १ का पुरुषको बिहीबार मृत्यु भएको हो ।
मृतक मंगलबार राती अस्पतालको आइसालेशनमा भर्ना भएका थिए । ‘कोरोनाको लक्षण देखिएपछि हामीले अस्पतालको आइसोलेशनमा राखेर उपचार गर्दै आएका थियौं,’ डा. दासले भने, ‘रगतको मात्रा पनि कम रहेको बिरामीको उपचारको क्रममा मृत्यु भएको हो ।’
यो सँगै कोशी अस्पतालमा ६ जना संक्रमितको उपचारका क्रममा मृत्यु भइसकेको छ । कोरोनाबाट मोरङमा बिहीबारसम्म मृत्यु हुने संख्या ८ पुगेको छ ।