विराटनगरः सुन्दरहरैंचा–७ बस्ने ४० वर्षीय बिजेस लिम्बूको मोटरसाइकल दुर्घटनाबाट मृत्यु भएको छ ।
आइतबार बिहान ८ बजे सुन्दरहरैंचा–८ सलकपुरस्थित राजमार्गमा प्रदेश नं. १–०१–००१ख३४१० नम्बरको बसले को२१प ५९९१ नम्बरको मोटरसाईकललाई ठक्कर दिँदा मोटरसाइकल चालक लिम्बू गम्भीर घाइते भएका थिए ।
घाइते लिम्बूको नोवेल अस्पताल विराटनगरमा उपचारको क्रममा सवा ९ बजे मृत्यु भएको जिल्ला प्रहरी कार्यालय मोरङका प्रहरी नायव उपरीक्षक कविन्द्रकुमार कार्कीले जानकारी दिए ।
ठक्कर दिने बस र चालक झापा कन्काई–१ का २९ वर्षीय बाबुलाल उराव नियन्त्रणमा रहेको सो कार्यालयले जनाएको छ । -शीर्षक सच्याइएको छ ।
हाम्रो कोशी आवाज
