धरानः नेकपाका अध्यक्ष माधवकुमार नेपालले ओली समूहले निर्वाचन आयोगमा पार्टीको आधिकारिकताको दाबी गर्नुको अर्थ नरहेको बताउनुभएको छ ।
बिहीबार स्थायी कमिटीको बैठकपछि सञ्चारकर्मीमाझ उहाँले सो कुरा बताएका हुन् । उहाँले गुटले दाबी गर्ने आधार नभएको समेत बताउनुभयो । उहाँले संसद् विघटनविरुद्धको आन्दोलनलाई प्रभावकारी बनाउने विषयमा योजना बनाइरहेको बताउनुभएको छ ।
उता ओली समूहका अध्यक्ष तथा प्रधानमन्त्री केपी शर्मा ओलीले चुनावको तयारीमा लाग्न नेताहरुलाई निर्देशन दिनुभएको छ । बालुवाटारमा भएको स्थायी कमिटी सदस्यहरुसँगको छलफलमा सर्वोच्च र निर्वाचन आयोगमा भइरहेको गतिविधिबारे ब्रिफिङ भएको एक नेताले जानकारी दिनुभएको छ ।
‘अब निर्वाचनमा जाने हो । १७ र २७ गतेबाट एकदिन ढिलाइ हुनुहुँदैन,’’ कुराकानीबारे उनले भने । उनले आफूहरु नै आधिकरिक भएको बताए । उहाँले प्रथम अध्यक्ष र महासचिव आफूहरुसँग भएकोले सूर्य चिह्न र आफूहरुकै हुने दावी गर्नुभयो ।