धरानः प्रधानमन्त्री केपी शर्मा ओली भोलि बुधबार प्रदेश १ को संखुवासभा आउने कार्यक्रम रहेको छ ।
प्रधानमन्त्री ओली बुधबार बिहान साढे ८ बजे हेलिकप्टरमार्फत् चीनसँग जोडिएको उत्तरी क्षेत्रको किमाथांका नाका पुग्ने कार्यक्रम तय भएको सांसद राजेन्द्र गौतमले जानकारी दिए ।
प्रधानमन्त्री ओलीले भोटखोला गाउँपालिका–१ मा रहेको सशस्त्र प्रहरीको सीमा सुरक्षा पोष्ट अनुगमनपश्चात् राष्ट्रिय गौरवको उत्तर दक्षिण कोशी राजमार्ग, किमाथांका नाकाको अनुगमन गर्न च्याम्ताङ पुग्ने कार्यक्रम छ ।
सांसद गौतमले भने, ‘प्रधानमन्त्री ओली सहितको टोलीले किमाथांका नाका, उत्तर–दक्षिण कोशी राजमार्ग र ९ सय मेगावटको अरुण तेस्रो जलविद्युत् परियोजनाको ड्याम साइड निरीक्षण गर्न कार्यक्रम छ ।’