धरानः एसियाली विकास बैंकले नेपालको आर्थिक वृद्धिदर सन् २०२१ मा ३।१ प्रतिशत र अर्को वर्ष ५।१ प्रतिशतमा पुग्ने अनुमान गरेको छ । बुधवार एशियन डेभलपमेन्ट आउटलुक २०२१ प्रकाशित गर्दै बैंकले यस्तो अनुमान सार्वजनिक गरेको हो ।
नेपालमा कोरोनाको दोस्रो लहरका कारण लकडाउन सुरु हुने अघिल्लो दिन प्रकाशित यो रिपोर्टले गत आर्थिक वर्षमा नकारात्मक वृद्धि भएको अर्थतन्त्र चालु वर्ष धीमा गतिमा विस्तार हुने अनुमान गरेको छ । स्मरण रहोस्, अघिल्लो आर्थिक वर्षमा नेपालको अर्थतन्त्र १।९ प्रतिशतले ऋणात्मक भएको थियो ।
एडिबीले नेपालको मूल्य वृद्धिदर सन् २०२१ मा ५ प्रतिशत र २०२२ मा ६ प्रतिशतको हुने समेत अनुमान गरेको छ ।
त्यसैगरि, कुल ग्राहस्थ उत्पादनमा हुने बुद्धिबारे अनुमान गर्दै यस वर्ष १।७ प्रतिशत वृद्धि हुने अनुमान छ भने अर्को साल सन् २०२२ मा यस्तो वृद्धिदर ३।८ प्रतिशत हुने समेत रिपोर्टमा उल्लेख छ ।