धरानः नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओली नेतृत्वको सरकारविरुद्ध तत्कालै अविश्वास प्रस्ताव ल्याउन नसकिने बताएका छन् ।
आफ्नै निवास बुढानिलकण्ठमा शुक्रबार पत्रकार सम्मेलन गर्दै कांग्रेसले वैकल्पिक सरकार निर्माणका लागि तत्काल कुनै निर्णय नगरेको बताए ।
देउवाले कांग्रेससहित विपक्षी दहहरूसँग पर्याप्त संख्या नपुग्ने देखिएकाले तत्काल ओली नेतृत्वको सरकारविरुद्ध अविस्वासको प्रस्ताव ल्याउन नसकिने उल्लेख गरे ।
‘सरकार बनाउन त बहुमत चाहियो । जसपाले निर्णय गरेको छैन । हामीसँग बहुमत छैन के गर्ने ?’ सभापति देउवाले भने ।
नयाँ सरकार बनाउन जसपासँग संवाद भए पनि यसबारे सञ्चारकर्मीहरुलाई जानकारी नदिइने देउवाले खुलासा गरे ।