धरानः सुनसरीमा मोटरसाइकल दुर्घटनामा बाबुछोरासहित तीनजनाको मृत्यु भएको छ ।
मोटरसाइकल एक आपसमा जुध्दा तीनजनाको मृत्यु भएको प्रहरीले जनाएको छ । रामधुनी–७ बासबिटीस्थित चतरा कान्छीचोक भित्री पक्की सडक खण्डमा कान्छीचोकबाट कालाबन्जारतर्फ जाँदै गरेको को३३प ९६०५ नम्बरको मोटरसाइकल र कालाबन्जारबाट कान्छीचोकतर्फ आउँदै गरेको प्र१–०२–०५६प ५८६४ नम्बरको मोटरसाइकल एक आपसमा ठक्कर खाई दुर्घटना हुँदा तीनजनाको मृत्यु भएको प्रहरीले जनाएको छ ।
धरानस्थित बीपी प्रतिष्ठानमा उपचारका क्रममा बाबुछोरासहित तीनजनाको मृत्यु भएको हो । मृत्यु हुनेमा मोटरसाइकल चालक रामधुनी नपा ६ बस्ने ३४ वर्षीय इनर्चन चौधरी, उनले चलाएको मोटरसाइकल पछाडि सवार उनका छोरा ९ वर्षीय प्रनिश चौधरी रहेका छन् । उनकी श्रीमती ३२ वर्षीय प्रतिक्षा चौधरी गम्भीर घाइते बनेकी छिन् ।
को३३प ९६०५ नम्बरको मोटरसाइकल चालक इनरुवा ६ बस्ने ५० वर्षीय विन्दु यादवको पनि उपचारका क्रममा मृत्यु भएको प्रहरीले जनाएको छ । सोही मोटरसाइकल पछाडि सवार इनरुवा ७ बस्ने ३६ वर्षीय रमेश चौधरी गम्भीर घाइते बनेको प्रहरीले जनाएको छ ।