धरानः नेपाली कांग्रेसका नेता मीन विश्वकर्माको स्वास्थ्यमा सुधार भएको पाइएको छ ।
उनलाई हाल भेन्टिलेटरबाट बाहिर निकालिएको छ । उनले चिकित्सक र अन्य मानिससँग बोलचाल पनि गर्न थालेको स्वकीय सचिव टेक विकले जानकारी दिए । चिकित्सकले अब निगरानी बढी नै गर्नुपर्ने बताएको र अवस्था एकदमै सुधारोन्मुख रहेको जानकारी दिएको उनले बताए ।
कोरोना संक्रमण पुष्टि भएपछि अस्पताल भर्ना भएका विकको फोक्सोमा पानी जमेपछि स्वास्थ्यमा गम्भिर समस्या आएको थियो । उनको वीर अस्पतालपछि ग्राण्डी अस्पतालको भेन्टिलेटरमा राखेर उपचार थालिएको थियो ।
गत कात्तिक १ गते कोरोना कोरोना पुष्टि भएपछि विश्वकर्मा आफ्नै निवासमा होम आइसोलेसन बसेका थिए । स्वास्थ्यमा समस्या बढ्दै गएपछि उनी कात्तिक ९ गते वीर अस्पतालको भीआइपी क्याबिनमा उपचारका लागि भर्ना भएका थिए ।