धरानः दक्षिण पूर्वी अरेबियन सागरबाट प्रशस्ता मात्रामा जलवाष्पयुक्त वायु नेपालमा प्रवेश गरिरहेको जल तथा मौसम विज्ञान विभागले जनाएको छ ।
हाल देशमा पश्चिमी वायुको समेत प्रभाव रहेको छ । जसको प्रभावले तराईमा अहिले कुहिरो लागेको मौसम पूर्वानुमान महाशाखाकी मौसमविद् विभूति पोखरेलले जानकारी दिइन् । अहिले देशभरको मौसममा आंशिकदेखि सामान्य बदली छ भने हिमाली भू–भागमा हिमपातको सम्भावना छ ।
विभागका अनुसार सुदूरपश्चिम र कर्णाली प्रदेशका उच्च हिमाली भू–भागमा हल्का हिमपातको सम्भावना छ । त्यस्तै प्रदेश १ का केही स्थानमा हल्का वर्षाको सम्भावना रहेको विभागको भनाइ छ ।
हाम्रो कोशी आवाज
