धरानः भारतीय सेनामा अब नेपाली महिला भर्ती हुन पाउने भएका छन् ।
नेपालस्थित भारतीय राजदूतावासको कल्याणकारी शाखाले सूचना जारी गर्दै नेपाली महिलाहरू पनि भारतीय सेनामा महिला सेना प्रहरी (सामान्य प्रहरी) भर्ना हुन पाउने जानकारी दिएको हो ।
नेपालस्थित भारतीय दूतावासको कल्याणकारी शाखाले एक सूचना जारी भारतीय सेना नेपाली महिला भर्ती हुन पाउने जनाएको छ ।
भारतीय सेनामा महिला सेना प्रहरी (सामान्य ड्युटी) मा भर्ती खुलेको शाखाले जनाएको छ । १७ वर्ष ६ महिना देखि २१ वर्षसम्मका महिलाले सेनामा भर्ती हुन आवेदन दिन सक्नेछन् । भर्तीका लागि न्यूनतम १० कक्षा उत्तिर्ण भएको हुनुपर्ने छ ।
भर्ती हुने महिला उम्मेदवार १५२ सेमी उचाई हुनुपर्ने जनाइएको छ । वीर नारीहरुलाई ३० वर्षसम्मको उमेर र गोर्खा उम्मेदवारलाई ४ सेमीसम्मको उचाईमा छुट दिइएको छ ।
भूपू सैनिक, वीर नारी र विधवा सैनिकका छोरीहरुलाई तौतमा २ केजीसम्म छुट र लिखित परीक्षामा २० अङ्कसम्मको बोनस जोडिने जनाइएको छ । आवेदन भने अनलाइनमार्फत् जुन ६ देखि २० जुलाई सम्ममा भर्नुपर्नेछ ।
आवेदनको लागि http:/joinindianarmy.nic.in मा गएर भर्न सकिन्छ।