धरानः असार महिनाको पहिलो दिनदेखि नै सुरु भएको उतारचढाव शेयर बजारमा कायमै छ । अघिल्लो हप्तादेखि नै गुम्दै आएको मनोबल लगानीकर्ताहरूमा फिर्ता भइसकेको देखिँदैन ।
फलस्वरूप आइतबार साताको पहिलो कारोबारमा पनि कारोबार रकम सात अर्बमा सीमित रह्यो । नेप्से परिसूचक बढे पनि कारोबार रकममा लगातार आएको गिरावटले लगानीकर्ताहरूको मनोबल खस्केको स्पष्टरुपमा संकेत गरेको छ ।
प्राय बजार घट्दा या बढ्दा कुनै एउटा निश्चित क्षेत्रको शेयरमूल्यमा उतारचढाव हुने गरेको देखिन्छ । तर, आइतबारको बजार हेर्ने हो भने नेपालको शेयर बजारले आफै स्थापित गरेको ट्रेन समेत भत्किएको छ ।
आइतबार शेयरमूल्यमा सर्वाधिक वृद्धि हुने कम्पनीहरूमा अधिकांश हाइड्रोपावर र वाणिज्य बैंक रहेका छन् । तर, इन्स्योरेन्स कम्पनीहरू यसबिचमा उत्तिकै उपस्थिति देखाउन सफल देखिन्छन् । यसले के देखाउँछ भने लगानीकर्ताहरू कुनै एउटा मात्रै क्षेत्रमा केन्द्रित भइरहेका छैनन् ।
तर, आइतबारको बजार हेर्दा अब वाणिज्य बैंक तिर लगानीकर्ताहरू झुम्मिने स्पष्ट संकेत भने देखिएको छ । यसले के चिन्ता बढाएको छ भने कतै क्षेत्रगतरुपमा आउने छालमा आँखा चिम्लेर लगानीकर्ताहरू हाम्फाल्ने त होइनन् रु अब आम लगानीकर्ताहरूले कुनै निश्चित क्षेत्र होइन की आफूले लगानी गर्न चाहेको निश्चित कम्पनीलाई नै हेरेर निर्णय गर्नुपर्ने बेला आइसकेको छ ।
अझै पनि लगानीकर्ताहरूले विगतमा झैँ कहिले हाइड्रो त कहिले इन्स्योरेन्स, कहिले बैंक त कहिले माइक्रो फाइनान्स भन्दै कुद्ने बानीमा आमूल परिवर्तन गर्नुपर्ने स्पष्ट संकेत बजारले गरिसकेको छ ।
यस्तो रह्यो आइतबारको बजार
नेपाल स्टक एक्सचेञ्ज ९नेप्से० साताको पहिलो कारोबारको दिन आज आइतबार दोहोरो अंकले बढेको छ । आज नेप्से २७।१७ अंकले बढेर दुई हजार ८ सय ७० दशमलब १७ विन्दुमा पुगेको छ ।
त्यस्तै, आज नेप्सेमा ७ अर्ब १६ करोड ७४ लाख बराबरको कारोबार भएको छ भने कारोबार भएका समूहमध्ये पाँच समूह घटेका छन् भने अन्य सबै समूह बढेका छन् ।
नेप्सेका अनुसार आज दुई कम्पनीको शेयरमूल्यमा उच्च बृद्धि भएको छ । शेयरमूल्य बढ्ने कम्पनीमा सेञ्चुरी कमर्शियल बैंक र अप्पर तामाकोशी हाइड्रोपावर कम्पनी रहेका छन् । जसको शेयरमूल्य करिब १० प्रतिशतले बढेको छ ।
आज गुँरास फाइनान्स कम्पनीका लगानीकर्ताहरुले सर्वाधिक गुमाएका छन् । यस कम्पनीको शेयरमूल्य करिब ५ प्रतिशतले घटेको छ । कारोबारको आधारमा आज सबैभन्दा बढी नेशनल हाइड्रोपावर कम्पनी लिमिटेडको कारोबार भएको छ । यस कम्पनीको आज ४० करोड भन्दा बढीको शेयर कारोबार भएको छ ।