धरानः २०२३ को डाइभर्सिटी भिसा (डिभी) को आवेदन खुल्ला भएको छ ।
अमेरिकाले सन् २०२३ का लागि आजदेखि डिभी चिट्ठा खुला ग गरेको हो । अमेरिकी विदेश मन्त्रालयले नेपाली समयअनुसार बुधबार बेलुका ९ः४५ देखि डिभी चिट्ठा खुला गर्ने गरेको हो ।
डिभी भर्न ‘अमेरिकी स्टेट गभर्मेन्ट’ को साइटमा गएर आफ्नो सक्कली कागजात राखेर भर्न सकिन्छ । डिभी भर्दा नाम, जन्ममिति, जन्मस्थान, पासपोर्ट विवरण, फोटो, ठेगाना, फोन नम्बर, इमेल लगायतका विवरणहरू बुझाउनुपर्छ ।
डिभी २०२३ का विजेताहरूले सन् २०२३ को सेप्टेम्बर ३० सम्म भिसा प्राप्त गर्नसक्ने छन् भने नतिजा सन् २०२२ को मे महिनामा काउनेछ ।
बुधबार राति ९ः४५ बजेबाट खुलेको आवेदन कातिक २३ गतेसम्म भर्न सकिने नेपालस्थित अमेरिकी दूतावासले जनाएको छ । आवेदनमा आफ्नो परिवारका सबै सदस्यहरुको विवरण, विगत ६ महिना भित्र खिचिएको फोटो चाहिने छ । त्यस्तै, वैध, म्याद नसकिएको राहदानीको विवरण उल्लेख गर्नुपर्ने छ । दूतावासको वेवसाइटमा गएर अनलाइन फारम भर्न सकिने दूतावासले जनाएको छ ।